د سين هوا اژانس د خبر له مخې، په افغانستان کې د وسله والو طالبانو وياند شهاب الدين اتل د جون په اوومه نېټه وويل طالبانو په همدې ورځ د دغه هېواد له حکومت څخه د لوړ پوړی قوماندان ملا دادالله مړی تر لاسه کړ او څلور يرغملان يی خوشی کړل.
نوموړي وويل طالبانو د څلورو يرغملانو د خوشی کولو پر وخت د وژل شوي ډاکتر مړی هم حکومت ته وسپاره.
د افغانستان ولسمشر حامد کرزي څو ورځې دمخه امر ورکړ چې د داد الله مړي په بدل کې د طالبانو له خوا نيول شوي پنځه طبی کارکوونکي خوشی شي، خو طالبانو يو ډاکتر وواژه. ياد شوي پنځه تنه طبی کارکوونکي د روان کال په مارچ کې د افغانستان په کندهار ولايت کې د طالبانو له خوا نيول شوي وو.
