زما پښتو نوم هوسۍ او چينايي يا اصلي نوم مې لو شيان چاو

(Luo Xianchao) دى. د چين د جيانګ سو ولايت په مرکز نان جينګ ښار كې د ۱۹۸۱ كال د دسمبر په ٢٧ نېټه زېږېدلې يم، خو اوس په پلازمېنه بېجينګ ښار کې اوسېږم. لومړۍ زده كړې مې د نوموړي ښار په منځني ښوونځي کې کړې دي. د ٢٠٠٠ کال په سپتمبر کې بېجينګ ته راغلم او د چين د ډله ايزو مطبوعاتو د پوهنتون په پښتو ټولګي کې شامله شوم او د پښتو ژبې په زده كړه مې پيل وكړ.

زه تل د افغانستان او پاکستان په ګډون د منځنی ختيځ هېوادونو کلتورونو او تاريخی دودونو ته ډېره پاملرنه کوم.

زه له سيلانۍ او فوتوګرافی يا عکس اخيستلو سره زياته مينه لرم او غواړم چې د نړۍ بېلا بېلو هېوادونو او سيمو ته سفر وکړم. افغانستان يو ښکلی هېواد دې چې ځانکړی طيبعی منظرې لري او تر واورو لاندې پټ د غرونو لړۍ او د ځايي خلکو ځانګړيو او زړه راښکونکيو جامو ماته يو ژور او په زړه پورې احساس را په برخه کړ. نو زه غواړم چې په خپله له دغه هېواد څخه ليدنه وکړم، پر پښتو ژبې له ځايي خلکو سره وغږيږم او په لاس کې د شته کمرې له لارې د داسی ښکليو منظرو او مهربانه خلکو خاطرې په خپل زړه کې وساتم.