د سين هوا اژانس د خبر له مخې، د افغانستان يو لوړ پوړی پوځی چارواکي د جولای په ديارلسمه نېټه وويل په دغه هېواد کې حکومتی پوځ او د ناتو ځواکونو په همدې ورځ په هلمند ولايت کې ديرش تنه وسله وال طالبان وژلي دي.
د افغانستان د حکومت يو تن پوځی جنرال محی الدين غوري وويل د دغه هېواد حکومتی پوځ او د ناتو د امنيت نړيوال مرستندويه پوځ د همدې ورځې په سهار وختی د هلمند ولايت په ګرشک سيمه کې له وسله والو طالبانو سره جګړه وکړه چې په ترڅ کې يی ديرش تنه وسله وال طالبان وژلي او د ناتو يو سرتيری او د دغه هېواد د حکومتی پوځ يو سرتيری ټپيان شوي دي.
