وايی چې د هان په سلسله کې يعنی دوه زره کاله دمه اوسنی شينجانګ د چينايانو له خوا د لويديځې ناحيې په نامه ياديدې او په دې ناحيه کې د چيوزی په شمول شلګونه کوچني ملکونه پراته وو. هغه وخت د هان امپراطور وو دی له دغو ملکونو او قومونو سره د دوستۍ ټينګولو لپاره يو استازی چې جانګ چيان نوميده، وروليږه څو چې په ګډه سره د هون له تېري سره مقابله وکړي. د چيوزی پاچا جيانګ بين د هان په مرکز چانګ ان ښار کې د يو کال لپاره اوسيده او د هان امپراطور ور ته ډېرې تحفې ورکړې، ور پسی هغه د مبارکۍ او باج ورکولو لپاره څو واره چانګ أن ته ورغي او له هان سلسلې سره يې د هان د امپراطوری ماڼيو په تقليد دنګی او عظيمی امپراطوری ماڼۍ جوړې کړې او په ماڼيو کې ايښودل شوي ډول ډول قيمتی او لوکس سامان الات او د نوکرانو کالي او زيورات او ورځنی نظام هم له هان سره تقليد شو. هره ورځ سهار پاچ له وزيرانو سره کتنه وکړه،زنګ يې وواهه او نور مراسم پر ځای کيدل. د چيوز ګاونډيو ملکونو د چيوز لخوا له اجرا شوي نظام سره مخالفت وکړ او په مسخره يې وويل چې د چيوز پاچا دغه عمل دغاتری په شان دی چې څېره يې که څه هم د خره او اس په شان ده، خو په اصل کې نه خر نه أس. ورپسی خلکو دا متل جوړ کړ چې نه خر نه أس او په مبهمو څيزونو باندی اطلاق کوی.
