دا د چين نړيواله راډيو ده ، ګرانو اوريدونکو، السلام عليکم ! د چينی او بهرنۍ موسيقۍ پروګرام په دغې کړۍکی به تاسو ته د چين د مشهور سندرغاړی ليو بينګ يی له خوا ويل شوی بهرنۍ سندری وړاندی کړو . لومړی به موږ په ګډه د پخوانی شوروی اتحاد يوه مشهوره سندره واورو چی نوم يی دی شپه د مسکو په شاوخوا کې .
ليو بينګ يی په چين کې ډېر مشهور دی چی په ١٩٦٢ کال کې د چين د موسيقی له مرکزی پوهنځی څخه فارغ شوی دی ٠ هغه په همدی کال کې د روسيې د يوګن ونيګين په نامه په پخوانی اوپرا کې ننداری وړاندی کړی او ستاينه يی تر لاسه کړی٠ 
د تېری پيړی له شپږمی لسيزی راهيسی ليو بينګ يی زيات شمېر مشهوری چينی او بهرنی سندری ويلی دی٠ اوس به موږ په ګډه د پيپل ونی په نامه د ليو بينګ يی له خوا يوه ويل شوی سندره واورو چی د اطريش سندره جوړونکی فرنز سچوبرت له خوا جوړه شوی٠
له څو کلونو راهيسی ليو بينګ يی د سندرو ويلو د خپل غوره تخنيکونو له لاری نه يوازی زيات شمېر اوريدونکی راجلب کړی، بلکی زيات شمېر جايزی يی هم تر لاسه کړي دي٠د يو کلتوری استازی په توګه ښاغلی ليو بينګ يی روسيی، جاپان، سينګاپور او امريکا ته سفرونه کړي او په بريالی توګه يی د چين د بېجينګ او شانګهای په ګډون په څو ښارونو کې ځانګړی کنسرټونه تر سره کړيدي٠
د پروګرام په پای کې به موږ په ګډه د ليو بينګ يی له خوا ويل شوی د فيګارو وعدې په نامه د اطريش يد اوپرا يوه برخه واورو٠
ګرانو اوريدونکو، د خوندورو سندرو په اورېدو سره د چينی او بهرنۍ موسيقۍ د پروګرام نننۍ کړۍ په همدي ځای پاي ته ورسېده ! روغ او خوشحاله اوسئ!
