د سين هوااژانس د خبر له مخې: د پاکستان د داون نيوز ټلويزيون د اګست په ٣٠مه نېټه خبر ورکړ چې تبعيد شوی پخوانی صدراعظم نواز شريف په همدې ورځ د دې خبر پخلی وکړ چې هغه به د سپتمبر په لسمه نېټه بير ته پاکستان ته ستون شي.
د خبر له مخې: د پاکستان مخالف ګوند مسلم ليګ چې د نوموړي ملاتړ کوي، په لندن کې دوه ورځنۍ غونډه تر سره کړه او د روانې مياشتی په ٣٠مه نېټه يې پريکړه وکړه چې د دغه ګوند مشر نواز شريف به د سپتمبر په لسمه نېټه بير ته خپل وطن ته ستون شي. له دې مخکې په ٢٣مه نېټه د پاکستان سترې محکمی د يوې پريکړې په ترڅ کې شريف ته اجازه ورکړه چې د دغه هېواد په پارلمانی ټولټاکنو کې ګډون وکړي.
