د چين د سن هوا اژانس د خبر له مخې: د اسيا د ارام سمندر سيمې د اقتصادی او همکارۍ سازمان د وزيرانو په کچه نولسمه غونډه د سپتمبر په شپږمه نېټه په سدنی کې پای ته ورسيده. دغې غونډې د يوې اعلاميې په خپرولو سره له بېلا بېلو خواوو څخه غوښتنه وکړه چې د دوحه خبرو اترو ، د سوداګريز او اقتصادی اصلاحاتو له لارې د سيمې د يووالي، په دغه سيمه کې د بشرۍ امنيت د تامينولو کارونو او د دغه سازمان د ارګانونو د اصلاحاتو د پياوړتيا لپاره کوښښ وکړي.
د چين د بهرنيو چارو وزير يانګ جی چه او د سوداګرۍ وزير بو شي لای په دغه غونډه کې ويناوې وکړې او د چين دريځونه يې بيان کړل.
