د چين د نړيوالې راډيو د خبر له مخې، د چين د دولت رئيس هو جين تاو له استراليا څخه د خپلې ليدنې له پای ته ورسولو او په سيدنی کې د APEC د مشرانو په ١٥ دوری نارسمی غونډه کې له ګډون وروسته د سپتمبر په ٩ نېټه هغه له سيدنی څخه بېرته چين ته راستون شو.
رئيس هو جين تاو په ياده شوی غونډه کې د اقليمي بدلون، دوحا خبرو اترو او د سيمه ايز اقتصاد يووالی په هکله وينا وکړه.
د اقليمي بدلون په اړه رئيس هو جين تاو څلور وړانديزونه وکړل چې له اقليمي بدلون سره د مقابلې لپاره بايد پرمختللی هېوادونه له پرمختيايي هېوادونو سره همکاری وکړي. دواملرونکی پرمختګ بايد پياوړی کړي. اړوندو تړونونو ته بايد لومړی مقام ورکړل شي او بايد پر ساينس، تکنولوژۍ او نوښت رامنځ ته کولو ټينګار وشي.
