ماو ځه دونګ افکار د چين له واقعيتونو سره سم يو علمی تيوريکي سيستم دی چې د نوموړي په مشرۍ د چين کمونستانو د مارکسيزم او لنينيزم د بنسټيز اصولو له مخې د چين د اوږدې مودې انقلاب او ابادۍ په بهير کې د يو لړ ځانګړيو او غوره تجربو په راغونډولو سره جوړه کړې ده .
ماو ځه دونګ افکار د مارکسيزم او لنينيزم د بنسټيزو اصولو او د چين د انقلابی واقعيتونو د يو ځای کېدو زېږنده دي، په چين کې د مارکسيزم او لنينيزم د کارونو او دوام پرمختګ ، د چين د انقلاب په اړه د سمو تيوريکي اصولو او تجربو راغونډونه او د چين د کمونست ګوند د ډله يزې ځيرکتيا پايله ده.
د ما ځه دونګ افکارو ژوندی روح د چين د انقلاب او ابادۍ د دريځونو، نظريو او لارو چارو نښه ده چې دري اړخونه يې له واقعيتونو څخه د حقيقت لټونه، د وګړيو له ګټو سره سمه تګلاره او د خپلواکۍ او ازادۍ ټاکنه ده. له واقعيتونو څخه د حقيقت لټونه د ماو ځه دونګ افکارو جوهر ، مرکزی او بنسټيز ټکی دی او د چين د کمونست ګوند ايډيالوژيکې تګلاره ده. له واقعيتونو څخه د حقيقت لټونه له واقعيتونو سره سم د تيورۍ او حقيقت د يو ځايښت او د چين له انقلابي واقعيتونو سره د مارکسيزم او لنينيزم د عامو اصولو د پيوستون مانا لری. ولسي تګلاره په دې مانا ده چې هر کار د وګړيو د ګټو لپاره او د وګړيو په اتکا ترسره کيږي، دغه راز
همدغه تګلاره بايد د وګړيو له غوښتنو او ګټو سره سمون وخوري. د خپلواکۍ او ازادۍ ټاکنه د چين له واقعيتونو سره سم پر وګړيو په اتکا د انقلاب او ابادۍ د تر سره کېدو حتمی نتيجه ده.
ماو ځه دونګ د چين د کمونست ګوند يو بڼسټ ايښودونکی او د نوي چين د لومړۍ لارښوونکې ډلې مشر و.
