د چين د نړيوالې راډيو د خبر له مخې: بهرنۍ خبري رسنۍ د چين د کمونست ګوند اوولسم ملی کانګرس ته ډېره پاملرنه کوي چې په تېرو څو ورځو کې د بېلا بېلو هېوادونو عمده خبري رسنيو په جلا جلا توګه د دغه کانګرس ، د چين د پرمختيايی برياليتوبونو او راتلونکي پرمختګ په اړه خبرونه ورکړي دي.
د فرانسی د اروپا نوويليس په نامه ورځپاڼې چې په چينی ژبه خپريږي د اکتوبر په نهمه نېټه په لومړی پاڼه کې په فرانسی کې د چين د کمونست ګوند د اوولسم ملی کانګرس ته د اوسيدونکوچينايانو پاملرنې په نامه يو مضمون خپور کړی او له لسمې نېټې څخه په ځانګړی پاڼه کې د دغه کانګرس په اړه مخکنی راپورونه خپروي.
د جاپان د اساحي شاينبون ورځپاڼې د اکتوبر په لسمه نېټه د يو راپور په خپرولو سره د عملی پرمختګ په هکله د چين د کمونست ګوند د مشر هو جين تاو له خوا د وړاندی نظر توضيحات ورکړی.
د کوريا جمهوريت او المان خبري رسنيو هم په جلا جلا توګه د دغه کانګرس په اړه راپورونه خپاره کړي دي.
