د سين هوا اژانس د خبر له مخې، د نړۍ يو شمېر دوستو سياسی ګوندونو، سازمانونو او مشرانو په جلا جلا توګه د چين مشرتابه ته د کمونست ګوند د اوولسم ملی کانګرس د پرانيستلو په اړه د مبارکۍ پيغامونه واستول.
د روسيې د يووالي ګوند مشر او د دغه هېواد د دوما مشر بوريس ګريزلوف په خپل پيغام کې ويلي چې مونږ له چين سره د متقابلو ګټو پر بنسټ د هراړخيزو اړيکيو د پرمختګ لپاره کوښښ کوو چې د چين او روسيې د خلکو له اساسی ګټو سره سمون ولري.
د پاکستان د خلکو ګوند مشرې بېنظير بوټو په خپل پيغام کې د چين د کمونست ګوند د اوولسم ملی ګانګرس د پرانيستلو په اړه مبارکی وويلې او د دغه ملی کانګرس د برياليتوب هيله يې څرګنده کړې ده.
