د چين نړيوالې راډيو دخبر له مخې ، د چين د پرمختګ او اصلاحاتو کميټې مرستيال جوجي شين د روانې مياشتې په ١٨ نيټه په بيجينګ کې وويل چې په چين کې د کليوالو سيمو او ښارونو ترمنځ د خلکو دعايداتو نابرابری د چين حکومت ډيره پاملرنه راجلب کړې او حکومت د دغې مسئلې د حل و فصل لپاره تدبيرونه نيسی .
نوموړی دغه خبرې په همدی ورځ د چين د کمونست ګوند د اووه لسم ملی کانګرس د مطبوعاتی مرکز په يوه خبری ناسته کې وکړې .
هغه وويل چې د چين حکومت اوس له کاری اندازې سره سم د نورو شکلونو په پام کې نيولو سره د عايداتو د ويشلو سيستم بشپړوی چې ټيټ عايدات لوړ ، منځنی عايدات پراخ او لوړ عايدات تنظيم کړي او دغه راز قانونی عايدات وساتی او ناقانونه عايدات لغوه کړي .
