د چين د نړيوالې راډيو د خبر له مخې: د بېجينګ ښاروالۍ مرستيال، د بېجينګ د اولمپيک لوبو د انتظامی کميټې د اجرايوی کميټې مرستيال ليو جينګ مين د اکتوبر په نولسمه نېټه په بېجينګ کې وويل: د پلان سره سم په ٢٠٠٨ کال کې د بېجينګ د اولمپيک لوبو و د بېلا بېلو مرحلو د تيارۍ کارونو عمده دندې په بنسټيزه توګه تر سره شوي دي چې په بريالی توګه يې د دغو لوبو د تر سره کولو لپاره ښه زمينه برابره کړي ده.
ښاغلي ليو جينګ مين دغه څرګندونې په همدې ورځ د چين د کمونست ګوند د اوولسم ملی کانګرس په يوه مطبوعاتی غونډه کې وکړې.
دغه راز په ٢٠٠٨ کال کې د معيوبينو د اولمپيک لوبو د تيارۍ کارونه هم په عادی ډول روان دي چې په بېلا بېلو سټيډيومونو او جمنازيومونو کې معيوبينو ته د خدمتی تاسيسات د جوړيدو په حال کې دي.
