د چين نړيوالې راډيو د خبر له مخې: د بيجينګ د ښاروال مرستيال او د بيجينګ د اولمپيک سپورتی لوبو انتظامی کميټی د مشر مرستال ليو جينګ مين د اکتوبر په نولسمه نېټه په بيجينګ کې وويل د ٢٠٠٨ کال د اولمپيک سپورتی لوبو په موده کې د پاک چاپيريال ساتلو په اړه د خپلی ژمنې پوره کولو په موخه د چين په کوششونو کې برياليتوبونه تر لاسه شوي دي.
نوموړي دغه څرګندونې په همدې ورځ د چين د کمونست ګوند د اوولسم ملی کانګرس د مطبوعاتی مرکز په خبري ناسته کې وکړې. هغه وويل د اولمپيک سپورتی لوبو په تدارکاتی کارونو کې په ښار کې د چاپيريال ساتلو چارو ښکاره پرمختګ کړی او له مخې يې اوس پاکه انرژي او د بيا استفادی وړ انرژۍ کارول کېږي او د ککړو شيانو ايستلو اندازه کمېږي. اوس د بيجينګ په ايکلوژيکی چاپيريال کې په ښکاره توګه ښه والی راغلی دی چې په ٢٠٠٦ کال کې د هغو ورځو شمير د کلنۍ مودې ٦٦ سلنه نيوله چې د هوا کيفيت يې ښه و، دغه انډول د ٢٠٠٢ کال په پر تله په سلو کې ١٨ زيات شوی او په ښار کې د نباتاتو پټولو انډول په سلو کې ٤٢ ته رسيدلی دی.
