د سين هوا اژانس د خبر له مخې ، د چين د کمونست ګوند د اووه لسم ملی کانګرس د مرکزی کميټې لومړی عمومی غونډه د روانې مياشتې په ٢٢ نيټه په بيجينګ کې ترسره شوه چې د مرکزی کميټې د سکريتريت او د مرکزی پوځی کميټې غړی پکی وټاکل شول .
په نوموړی غونډه کې د مرکزی کميټې د سياسی بيورو د دايمی کميټې له وړانديز سره سم شي جين پينګ ، ليويون شان ، لي يوان چاو ، هه يونګ ، لينګ جي هوا او وانګ هو نيګ د مرکزی کميټې د سرکريتريت د غړيو په توګه وټاکل شول .
ددې ترڅنګ په دغه غونډه کې پريکړه وشوه چې هوجين تاو د مرکزی پوځی کميټې مشر ، ګوبو شيونګ او شيو څای هو مرستيالان او ليانګ ګوانګ ليې ، چن بينګ ده ، لي جي نای ، لياو شي لونګ ، چانګ وان چوان ، جينګ جي يوان ، وو شنګ لي او شيوچي ليانګ د دغې کميټې دغړيو په توګه وټاکل شول .
