څو ورځې مخکې د چين په شانګهای ښار کې د ماشومانو او ځوانانو د علمی کيفيت د پرمختګ په فورم کې يو لړ معلومات وړاندې شول چې په دغه ښار کې د څه دپاسه يو سل تنه ښوونکيو د يوې شميرنې له مخې چې د جو جونګ شيو پروګرام له خوا تر سره شوې، د روزل شويو ماشومانو او شاګردانو په سلو کې اويا برخه د زده کړې په وخت کې نور فعاليتونه تر سره کوي، په سلو کې اته پنځوس برخه د زياتې علمی پوهنې زده کړه کوي او په سلو کې اته شپيته برخه په خپله د زده کړې او کارونو تر سره کولو عادت لري.
ځو جونګ شيو په چينی ژبه کې د تمريناتو له لاری د پوهنو زده کړې مانا لري. د ځو جونګ شيو پروګرام د چين د ښوونې وزارت او د چين د علمی ټولنې له خوا د علمی ښوونی د يوې ازموينې په توګه جوړ شوی چې په عمده توګه د هغو ماشومانو تر منځ پلی کېږي چې عمرونه يې له پنځو کلونو څخه تر دوولسو کلونو پوری دی. په دغه پروګرام کېد کوچنيو ازموينو تر سره کولو له لاری د علمی پوهنې زده کړې په هکله د ماشومانو د علاقې روزنه تر سره کېږي.
دغه پروګرام له ٢٠٠٥ کال څخه د شانګهای په اتيا لومړنيو ښوونځيو کې تر سره شوي او تر اوسه پوری په يو سل او يو ديرش ښوونځيو کې
تر سره کېږي. د ٢٠٠٦ کال په پای کې د دغه پوګرام په هکله د ارزونې راپور له مخې زده کوونکي د زده کړی له دغې لاری سره ډېره علاقه لری.
د دغه پروګرام د نور ښه پرمختګ لپاره د غوره ښوونکيو روزنه ډېره مهمه ده. د شانګهای ښار د علمی ټولنې او د دغې ټولنې په مشرۍ د اتلسو څانګو سل ګونو پوهانو او هغو علمی کارکوونکيو په هڅولو سره يوه ډله جوړه شوې چې د دغو ښوونکيو په روزنه کې يې ګډون کړی دی.
د ځو جونګ شيو پروګرام لومړی په فرانسه کې پيل شوی دی. د ماشومانو او ځوانانو د علمی کيفيت د پرمختګ په فورم کې د فرانسی د علمی اکاډمۍ مرستيال او فزيک پوه ګير يف او ډاکتره لينا يپېر دواړو د دغه پروګرام د چمتو کولو په کارونو کې ګډون کړی دی. دوی په شانګهای کې د دغه پروګرام د روانيدو لوړه ستاينه وکړه.
د چين د علمی ټولنې مرستيال فو يو چې په چين کې د دغه پروګرام د پيل دنده پر غاړه لري، وايې د چين د ښوونې وزارت او د علمی ټولنې د ملاتړ له امله په دغه هېواد کې د ښوونې او ساينس او تخنيک ټولنو په ګډه دغه پروګرام ته پاملرنه کړی او د پروګرام تر سره کولو لپاره يې زيات کوشش کړی دی. په راتلونکی کې به په شانګهای کې د ازموينو له تجربو څخه ګټه راټولی شي او د ټول هېواد لومړنيو ښوونځيو په تيره بيا کليوالو او لويديځو سيمو ته به دغه پروګرام پراخ شي. بر سيره پر دې د دغه پروګرام د پراخوالو په وخت کې به په جدې توګه څارنه او ارزونه وشي چې د پروګرام سالم پرمختګ وساتل شي.
