د سين هوا اژانس د خبر له مخې، د افغانستان د ولسمشر وياند همايون حميد زاده د جنورۍ په اتمه نېټه وويل د دغه هېواد حکومت د طالبانو يو پخوانی قوماندان او د طالبانو د واکمنۍ په مهال د اروزګان ولايت والی ملا عبدالسلام د هلمند ولايت د موسی کولا د ولسوال په توګه وټاکه.
ښاغلي حيمدزاده په همدې ورځ په يوه خبری ناسته کې څرګنده کړه ولسمشر حامد کرزي څو ځله ويلی چې د ده حکومت غواړی د طالبانو هغه پخوانی وسله وال کسان په حکومت کې ورګډ کړي چې د افغانستان اساسی قانون مني، د ملا عبدالسلام ټاکنه د افغانستان حکومت له دايمی تګلارې سره سمون خوري او دی به په موسی کولا ولسوالۍ کې د بېلا بېلو قومونو د همغږي او ګډ ژوند لپاره مهم رول ولوبوي.
