په شن جن ښار کې د ځوانانو د هنری ډيزاين د درېيمې دورې سيالي د دسمبر په نهه ويشتمه نېټه د دغه ښار د ځوانانو په ماڼۍ کې پيل شوه.
دغه سيالی د شن جن ښار د کلتوری ادارې، په دغه ښار کې د چين د کمونستی ځوانانو د ټولنې کمېټې او د ښوونې ادارې له خوا په ګډه جوړه شوې او له اختراعاتو څخه د ډک دسمبر په نامه له يو لړ فعاليتونو څخه برخمنه ده. د څو تنو مشهورو هنرمندانو او د ښوونې پوهانو په ګډون او غړيتوب د ارزونې يوه کمېټه جوړه شوې چې څه دپاسه شپږ سوه شيانو څخه د جامو، چاپېريال ساتلو او د کور ښکلی کولو په اړه يې دری سوه او څلور څلويښت شيان غوره کړي او په دې جمله کې شپږو شيانو طلايی جايزې، لس شيانو د سپينو زرو جايزې، اتلس شيانو ميسی جايزې او شپېتو شيانو نور يې غوره جايزې تر لاسه کړې دي.
په شن جن ښار کې د چين د ګوندی کمېټې د تبليغاتی چارو څانګې او د دغه ښار د کلتوری ادارې اړوندو چارواکيو څرګنده کړه چې د ځوانان
و د هنری ډيزاين سيالۍ د تر سره کېدو موخه د وګړيو په تېره بيا د ځوانانو ترمنځ د اختراعاتو،
جوړونې توان پياوړتيا او د اړوندو استعداد لرونکو کسانو لپاره د خپلو توانونو ښودلو د يو ډګر برابرونه ده. دوی هيله څرګنده کړه چې دغه سيالی د زياتو زده کوونکو لپاره د خپلو اختراعی توانونو د ښودلو او پياوړتيا لپاره يو لوی کلتوری فيستوال وګرځي.
د شن جن ښار د ځوانانو ماڼۍ مشر ښاغلي ليانګ يی وويل موږ ډېر خوښ يو چې زموږ په ماڼۍ کې د شن جن ښار د ځوانانو د هنری ډيزاين سيالی په شان دغه ډول کلتوری فعاليتونه تر سره شي. هيله لرو چې د دغه فعاليت له لارې اړوندو مينه والو او زده کوونکو ته د خپلو توانونو د ښودلو يو ډګر برابر کړو او مخ په زياتېدونکي وګړي د هنری ډيزاين چارو ته زياته پاملرنه وکړي.
بر سېره پر دې، غوره شوي شيان به د ځوانانو په ماڼۍ کې د پر له پسی لسو ورځو په اوږدو کې په وړيا توګه ګڼ شمېر وګړيو ته وښودل شي.
