د چين د سن هوا اژانس د خبر له مخې: د چين د کونفوسيوس ښوونځی مقر او د افغانستان د کابل پوهنتون د جنوری په نهمه نېټه په دغه پوهنتون کې د چينې ژبې زده کړې په موخه د کونفوسيوس ښوونځی د جوړولو په اړه رسمي تړون لاسليک کړ.
په افغانستان کې د چين لوی سفير يانګ هوو لان او د کابل پوهنتون مشر اشرف غنی په همدې ورځ دغه تړون لاسليک کړ.
ښاغلي يانګ هوو لان وويل: د دغه ښوونځی جوړول به د دواړو هېوادونو ترمنځ دوستانه اړيکې نوی پاڼه واړوی چې نه يوازی د چيني ژبې د زده کړې په اړه د افغانانو اړتياوې پوره کولای شي، بلکې د دواړو هېوادونو ترمنځ کلتوری تګ راتګ او اقتصادی او دغه راز سوداګريزه همکاري هم پرمخبولی شي.
ښاغلي اشرف غنی څرګنده کړه: د دغه ښوونځی جوړول به افغانانو ته په چيني ژبې د زده کړې فرصت برابر کړي او د دواړو هېوادونو ترمنځ اړيکې ټينګې کړي.
