د سين هوا اژانس د خبر له مخې، په افغانستان کې د ناتو په مشرۍ د امنيت نړيوالو مرستندويه ځواکونو د جنورۍ په نولسمه نېټه د يوې اعلاميې په خپرولو سره وويل د ناتو په مشرۍ ځواکونو او د دغه هېواد ملی پوځ د روانې مياشتې په اتلسمه نېټه د افغانستان د ختيځ کونړ ولايت په واتاپور سيمه کې لږ تر لږه څليرويشت تنه وسله وال کسان ووژل يا ټپيان کړل.
په اعلاميه کې ويل شوي په همدې ورځ سهار د ناتو په مشرۍ د ځواکونو داسی استخبارات تر لاسه کړ چې ځيني وسله وال کسان د کونړ ولايت په واتاپور سيمه کې د ناتو پر يوې پوځی اډې د بريد په موخه په دغه سيمه کې راغونډ شول. کله چې وسله وال کسان د همدې ورځې په غرمه دغې پوځی اډې ته ورغلل، د ناتو ځواکونو پر دوی بريد وکړ. د دغې اعلاميې له مخې، په جګړه کې د افغانستان ملی پوځ او ناتو ځواکونو ته هېڅ مرګ ژوبله نه ده اوښتې.
