په چين کې ٨ سوه مليونه بزګران ژوند کوي ،نو د دوی روغتيايي حالت ډېر مهم دی خو د چين د ښارونو او کليوالو سيمو ترمنځ د اقتصاد او ټولنې د پرمختيايي نابرابرۍ له امله د چين په کليوالو سيمو په تېره بيا لويديځو کليو کې د طبی درملني سويه او اړوند بنسټيز تاسيسات وروسته پاتی دی او بزګران لږ عايدات لري ، نو که دوی په ناروغيو اخته شي ،طبی درملنه نه شی تر لاسه کولی .په وروستيو کلونو کې د چين حکومت په دغو سيمو کې د طبی درملنې لپاره لازياتې پيسې لګولي دي .
د چيان جيانګ سيمه د چونګ چين ښار يوه سيمه ده اود نفوسو شمېر يی نژدی پنځه لکو ته رسيږي خو زياتره يې په کليوالو سيمو کې ژوند کوي .مېرمن فونګ شيو می د دغې سيمې د لی مينګ کلی يوه بزګره ده .په روغتون کې زموږ خبريال داسی يو حالت وليد چې د دغې مېرمنې ماشوم د ځګر ناروغۍ پرضد له واکسين کولو وروسته يو کارډ وړاندی کړ چې حکومت يی د طبی درملنې لپاره په وړيا توګه بزګرانو ته سپاري او دوی هم د دغه کارډ په اتکا د درملنې پيسی نه دی لګولی .
په دغه سيمه کې نه يوازی ماشومانو د درملنې دغه خدمتونه تر لاسه کړی بلکې ميندوارو ښځوته هم له ماشوم زېږونې مخکې د وړيا کتنې فرصت برابريږي .له ٢٠٠٣ کال څخه دغه سيمه د چونګ چينګ ښار په کليوالو سيمو کې د همکارۍ د طبی درملنې د لومړی ډلې يوه ازمويښتی سيمه ده .هر سيمه ايز بزګر هر کال يوازی لس يوانه اړوندې
موسسې ته وړاندی کوي چې حکومت بيا د دوی د طبی درملنې په بهير کې پنځوس يوانه مرستندويه پيسی ورکوي .که يو بزګر يو ځل طبی درملنه ومني نو د درملنې لګښت په سلو کې ٤٠ برخه به د حکومت له خوا اجرا شی.که دوی په لويو ناروغيو اخته شی نو د درملنې لګښت په سلو کې ٦٥ برخه به د حکومت له خوا پلی شی نو بزګرانو په ريښتينی توګه له دغو تدبيرونو ګټې تر لاسه کړې دي .دتېر کال تر جولاۍ پوری په سلو کې ٧٠ بزګرانو د همکارۍ د طبی درملنې په نظام کې ګډ
ون وکړ .
د دغې سيمې حکومت نه يوازی په مستقيمه توګه بزګرانو ته مرستندويه پيسی ور کړې بلکې د درملنې د بنسټيزو تاسيساتو په أبادۍ کې يې لازياتې پيسې لګولي چې له مخې يې په کليوالو سيمو کې د درملنې خدمتی سويه لوړه شوې ده .
په وروستيو کلونو کې د دغې سيمې حکومت له ډول ډول لارو چارو د کليوالو روغتونونو په جوړولو کې ٢٠ مليونه يوانه پيسې لګولي دي .تر اوسه پوری په دغه سيمه کې د ١٥ علاقه داريو د روغتونونو د خدمتی تاسيساتو جوړونه پای ته ورسيدلې ده .
په همدی وخت کې د چين حکومت د کليوالو سيمو په روغتيايی ساحه کې پانګونه زياته کړې ده . چين پلان لري چې له ٢٠٠٦ کال څخه تر ٢٠١٠کاله پوری به په کليوالو سيمو کې د بنسټيزو طبی تاسيساتو د أبادۍ لپاره ٣٠ مليارډ يوانه ولګوي چې له امله يی د چين په کليوالو سيمو کې د درملنې سويه لوړه شی
