اوه څلويښت کلن تو جه يو مشهور صنعتي هنرمند او متثبث دی. تو جه نه يوازی په هنري ساحه کې ستر برياليتوبونه تر لاسه کړي، بلکې د چين او د بهرنيو هېوادونو ترمنځ د کلتوري تبادلې د پياوړتيا لپاره يې هم هڅې کړي دي.
تو جه په پوهنتون کې د بريښنايي ماشيني انسان په اړه زده کړې وکړې او له فراعت وروسته يې د بريښنايي ماشينو د يوې فابريکې د مشر دنده پر غاړه واخيسته. ورپسی هغه په بريتانيا او امريکا کې د لوړې کچې زده کړې ته دوام ورکړ او په پرله پسی توګه يې په هانکانګ، شن ځن او شانګهای کې پر خپلو کارونو پېل وکړ. د ده له خوا جوړ شوی شرکت يعنی د اروپا او أسيا شرکت ډېرې پانګې او پياوړی توان لري. پر سوداګرۍ سربېره تو جه د کيندلو چاکو له لارې بېلا بېل هنري اثار جوړ کړي دي. د ده شخصي نندارتونونه په سينګاپور، ماليزيا،جاپان،کوريا جمهوريت،بريتانيا، فرانسه،المان او امريکا کې تر سره شوي او اثارو يې د هېواد په دننه او بهر کې يو سل او شپېته جايزې تر لاسه کړي دي. د ده ډېر اثار د بهرنيو هېوادونو په يو شمېر موزيمونو کې ساتل کېږي. تو جه اوس د چين او خوشبويه سر لرګی په اړه کلتور د ټولنې مشر دی او په همدی مهال په اسيا او ارام سمندر سيمه کې د م م د نړيوالې تبادلې، همکارۍ او همغږۍ کمېتې عمومی منشی هم دی.
تو جه په نولس سوه او يوشپېتم کال کې د چين په شانګهای ښار کې زېږېدلی. د ده پلار پخوا د امريکا د هارورد پوهنتون يو پروفيسر او د تيلی انځورونو او کيندنې په ساحو کې
يې ستر بريالتوبونه تر لاسه کړي وو. کوچني تو جه تل له خپل پلار سره يو ځای و چې هنري بنسټ يې هماغه مهال جوړ شوی و.
تو جه له عکس اخيستلو سره هم مينه لري. ده د سيلانۍ په ترڅ کې د چين د بېلا بېلو مشهور ځايونو ښکلی عکسونه اخيستي او ډېرې ډبرې يې هم راغونډې کړي دي چې بېلا بېلې او بې سارې 
بڼې لري.
د تېرې پېړۍ په اوومه لسيزه کې د چين د هنر او کلتور پرمختګ د ځينو ټولنيزو ستونزو له امله وځنډول شو چې پوهنتونونو د هنر او کلتور څانګې نه درلودې. نو تو جه په علمی څانګه زده کړې وکړې او په خپلو فارغو وختونو کې يې د کيندنو په ګډون يو لړ هنري کارونه ترسره کړل.
تو جه په بريتانيا، امريکا او شمالي اروپا کې د لسو کلونو لپاره ژوند کړی دی. د زده کړې پر همدی مهال يې په واټونو کې د سيلانيانو لپاره د انځورولو او په رسټوراتونو کې د کار کولو له لارې خپلی د لومړۍ برخې پانګې ساتلې. تو جه هم د لسو هېوادونو له هنري موزيمونو څخه ليدنې کړي او د کتنې او زده کړې په ترڅ کې يې د چين دوديز کلتور يو ځل بيا په غور کتلی دی.
بېرته خپل وطن ته له راستنيدو وروسته تو جه په هانکانګ کې خپل شرکت جوړ کړ او پر لرګيو يې د کيندلو پر کارونو پېل وکړ. د ده شرکت اوس په ښه ډول پرمختګ کوي چې د ده هنري چارو ته پياوړی مالي ملاتړ هم برابروي.
د تو جه هنري اثار د نړۍ په بېلا بېلو ځايونو کې نندارچيانو ته ايښودل او په ښه ډول ساتل کېږي. تو جه هم د چين د ولسی کلتور د تبادلې د لوی سفير په توګه وټاکل شو. تو
جه اوس په شانګهای کې د چين د دولتي خزانو د هنري موزيم د جوړولو لپاره هڅې کوي چې د چين او د بهرنيو هېوادونو ترمنځ د کلتوري تبادلې لپاره يو ښه فرصت برابر شي.
