د بيجينګ د اولمپيک سپورتي لوبو سپيڅلی ډيوه د اولمپيک لوبو د سپيڅلي ډيوې په نامه د چين د نړيوالې هوايې شرکت د الوتکې له لاری د مارچ په يو ديرشمه نېټه د بيجينګ نړيوالې هوايی ډګر ته ورسيد. په همدې ورځ سهار د سپيڅلي ډيوې د هرکلي مراسم او د مشال د ليږدونې د پيل مراسم د تيان ان من په ډګر کې تر سره شول. د چين د دولت رئيس هو جين تاو، د دولت رئيس مرستيال شي جين پينګ او د بيجينګ څه دپاسه زرو تنو ښاريانو په دغو مراسمو کې ګډون درلود.
د سپيڅلي مشال د ليږدونې د پيل په مراسمو کې د دولت رئيس هو جين تاو په چين کې بل شوی لومړی مشال د چين نامتو لوبغاړي ليو شيانګ ته ورکړی او وروسته يې د ٢٠٠٨ کال د اولمپيک سپورتي لوبو د مشال د ليږدونې د فعاليت د پيل اعلان وکړ.
