د چين نړيوالې راډيو د خبر له مخې، د اپريل شپږمې نېټې په شپه په لنډن کې د بېجينګ اولمپيک لوبو د سپيڅلی مشال د لېږدولو فعاليت پای ته ورسېد او د الوتکې له لارې خپل راتلونکی تم ځای پاريس ته وخوځېد.
لنډن د دغه فعاليت څلورم تم ځای دی. سپيڅلی مشال د اپريل شپږمې نېټې د سهار په لس بجو او دېرشو دقيقو د لنډن په شمال لوېديځ وېمبلی ستيډويوم کې پر لېږدولو پېل او د لنډن له لسو سيمو څخه تېر شوی دی. د مشال لېږدولو بهير پنځوس کيلومتره او اته ساعته يې دوام درلود او اتيا مشال لېږدوونکو په دغه فعاليت کې ګډون وکړ.
سل زره وګړيو په همدی ورځ د دغه مشال د رارسېدو هرکلی وکړ، ډېرې هنري نندارې او د لمانځلو فعاليتونه هم د مشال لېږدولو په بهير کې تر سره شول.
