د چين نړيوالې راډيو د خبر له مخې، د بېجينګ اولمپيک لوبو سپيڅلی مشال د اپريل د شپږمې نېټې د ماښام په يوولسو بجو او پنځوس دقيقو د يوې ځانګړې الوتکې په وسيله د پارس هوايي ډګر ته ورسېد.
د فرانسې د اولمپيک کمېټې، د پارس ښاروالي او په دغه هېواد کې د چين سفرت ځينو چارواکيو په هوايي ډګر کې د سپيڅلي مشال هرکل وکړ. له دې وروسته د سپيڅلي مشال پلاوی د پوليسو د موټرونو په بدرګه د پارس ښاري سمو ته ننووت.
د اپريل په اوومه نېټه به په دغه ښار کې د سپيڅلي مشال لېږدولو فعاليت د ايفيل اوسپنيزڅلي په لومړي پوړ کې پيل شي او د لېږدولو لارې اوږدوالی به يې اته ويشت کيلومترو ته ورسېږي او نهه اويا تنه چيني او فرانسوي مشال لېږدونکي به د مشال لېږد دنده پر غاړه واخلي.
