د چين د سن هوا اژانس د خبر له مخې د اولمپيک لوبو د نړيوالې کميټې غړي کيوان ګوسپير د اپريل په اوومه نېټه په بېجينګ کې څرګنده کړه چی بېجينګ به يوه دوره غوره اولمپيک لوبې تر سره کړي.
ښاغلي کيوان ګوسپير په همدې ورځ د نهه ويشتمې دورې اولمپيک لوبو په اړه د نړيوالې کميټې د همغږۍ کميټې د مرستيال په توګه د اولمپيک نړيوالې ټولنې د شپاړلسمې دورې په غونډه کې برخه والو ته وويل چې دغې کميټې په تېرې اوونۍ کې د اولمپيک لوبو لپاره د بېجينګ له تيارۍ څخه وروستی کتنه وکړه. هغه د بېجينګ د اولمپيک لوبو د انتظامی کميټې د کارونو لوړه ستاينه وکړه.
دغه راز د ياد شوي کميټې مشر حين ويربروګين د خبري رسنيو سره د مرکې په ترڅ کې هم د بېجينګ د کارونو په اړه خوښی څرګنده کړه.
