د چين نړيوالې راډيو د خبر له مخې، له چين نه بهر په پنځم تم ځای کې د بېجينګ اولمپيک لوبو د سپيڅلي مشال لېږدولو فعاليت د اپريل په اوومه نېټه د فرانسې په پارس کې تر سره شوی او د تبت خپلواکۍ ځينو غوښتونکو له ليری کولو وروسته بشپړ شوی دی.
د سپيڅلي مشال لېږدولو فعاليت د پيل مراسم د اوومې نېټې غرمې په دوولسو بجو او دېرشو دقيقو د پارس په ايفيل اوسپنيز څلي کې تر سره شول او لومړی مشال لېږدونکی پخوانی نړيوال اتل فرانسوی ستيفني دياګانا و. د فرانسې پخواني صدر اعظم په دغو مراسمو کې وويل د اولمپيک لوبو سپيڅلي مشال لېږدولو د فعاليت له لارې ټول نړيوال د اولمپيک تر رڼا لاندی دي او د اولمپيک لوبې د بېلا بېلو وګړيو ترمنځ توپيرونه ليري کولای شي.
