د سين هوااژانس د خبر له مخې: د اولمپيک لوبو د نړيوالې ټولنې د استازيو د شپاړسمې دورې غونډه د اپريل له اوومې نيټې څخه تر نهمې نيټې پوري په بيجينګ کې تر سره کېږي. د المان د اولمپيک لوبو د کميټی مشر او د اولمپيک لوبو د نړيوالې کميټې مرستيال توماس باچ په غونډه کې وويل د ٢٠٠٨ کال اولمپيک سپورتي لوبی به چين ته د نړۍ له خوا ورکول شوی کلتوری ميراث او هم نړۍ ته د چين له خوا ورکول شوی کلتوری ميراث وي.

ښاغلي باچ دا نظر څرګند کړ چې له يوې خوا به د بيجينګ د اولمپيک سپورتي لوبو تر سره کولو له لاری د اولمپيک روحيه په چين کې خپريدای شي او له بلې خوا به چينايان له اولمپيک سره نژدی نور هم شي.

هغه د اولمپيک لوبو لپاره د بيجينګ د تدارکاتي کارونو لوړه ستاينه وکړه او باور يې څرګند کړ چې بيجينګ د اولمپيک لوبو د برياليتوب تر سره کولو توان لري.