د چين د خبرونو اژانس د خبر له مخې، د اپريل د اتمې نېټې سهار په دری بجو او پنځه څلويښت دقيقو د بېجينګ د اولمپيک لوبو مشال د امريکا د سانفرانسيسکو هوايی ډګر ته ورسيد او دا ښار له چين څخه بهر د دغه فعاليت شپږم ځای دی.

د پلان له مخې به د بېجينګ د اولمپيک لوبو مشال په دغه ښار کې يوه ورځ پاتې شي او د اپريل د نهمې نيټې له غرمې وروسته په يوه بجه به د مشال د ليږدولو فعاليت پيل شي. په دغه ښار کې د مشال ليږدولو عمومی واټن به تقريبا ديارلس کيلو مترو ته ورسيږی.