د چين نړيوالې راډيو د خبر له مخې د بېجينګ اولمپيک لوبو سپيڅلی مشال لېږدونې فعاليت د اپريل په نولسمه نېټه د تايلند په پلازمينه بنکاک کې په بريالۍ توګه تر سره شو.
بنکاک د دغه مشال د ليږدونې دولسم تم ځای دی. د ليږدونې فعاليت درې ساعته دوام وکړ چې د لارې اوږدوالی يې يوولس کيلومترو ته رسيده. دغه فعاليت د بنکاک په چيني دروازه کې پيل او د پنځم راما د يادونې په ډګر کې پای ته ورسيد چې اتيا تنه ليږدونکي په کې ګډون درلود.
دغه مشال به په بنکاک کې د ليږدونې له پای ته رسيدو وروسته د اپريل په يوويشتمه نېټه د ماليزيا پلازمينې کوالالامپور ته ورسېږي .
