د چين نړيوالې راډيو د خبر له مخې، د اپريل په نولسمه نېټه د فرانسې په پاريس، د المان په برلين، د بريتانيا په لندن او د امريکا په واشنګټن او لوسانجليس ښارونو کې اوسېدونکو چينايانو لويې سوله ايزې مظاهرې وکړې چې د بېجينګ اولمپيک لوبو ملاتړ ، د تبت له بېلتون غوښتنې او د اولمپيک لوبو سياسی کولو سره يې مخالفت پکې څرګند کړ. په همدې وخت کې يې په وروستيو ورځو کې د چين په اړه د ځايی خبري رسنيو د ناريښتينيو راپورونو په اړه سخت نارضايت څرګند کړ.
د فرانسې په پاريس کې نژدی لس زره تنو اوسېدونکو چينايانو، چينی زده کوونکيو او فرانسوي دوستانو د جمهوريت په ډګر کې يوه سوله ايزه مظاهره تر سره کړه چې له شلو کلونو راهيسی په دغه هېواد کې د چينايانو تر ټولو لويه مظاهره ګڼل کيږی.
