د چين نړيوالې راډيو د خبر له مخې، د بېجينګ اولمپيک لوبو سپيڅلی مشال د ليږدولو فعاليت به د اپريل په شپږويشتمه نېټه د جاپان په ناګانو ښار کې تر سره شي. اوس د جاپان د اولمپيک کمېټه او د ناګانو اړوندې خواوې د دغه فعاليت لپاره بېلا بېلې تياريانې نيسی.
تر اوسه پوری په ناګانو ښار کې د سپيڅلی مشال ليږدولو په فعاليت کې د ګډون کوونکيو نومونه ټاکل شوی دی. د اتيا تنو مشال ليږدونکيو تر منځ د جاپان د اولمپيک کمېټې د مشر تاکيدا څونيکازو، د ناګانو د ښاروال مرستيال او د مشهور لوبغاړی کيتاجما کوسوک په شمول پر مشهورو لوبغاړو سربيره، په ټولنه کې ډېر کسان غوره شوی چې د ناګانو نهه دېرش ښاريان هم پکې شامل دي.
