د سين هوا اژانس د خبر له مخې، د چين های نان والي لوه باو مينګ په وروستيو ورځو کې وويل های نان بايد نور هم پرانيستل شي او له بهر څخه پرمختللی توليدی عوامل وارد او بهر ته خپل ځانګړی توليدات صادر کړي.
شل کاله مخکې، د های نان ولايت په چين کی د لويې اقتصادي ځانګړې سيمې په توګه جوړ شو. په تېرو شلو کلونو کې د های نان ولايت توليدي ارزښت يوويشت ځله او په ښارونو او علاقه درايو کې د وګړيو عايدات يوولس اعشاريه پنځه ځله او د بزګرانو کلني عايدات اووه اعشاريه شپږ ځله زيات شوي دي. په دې توګه د چين يو بی وزلۍ ټاپو چې په سرحدی سيمه کې پرته ده، د چين د اصلاحاتو او ورخلاصون په بهير کې ستر پرمختګ کړی او يوه پرمختللی سيمه ګرځېدلی ده.