د چين نړيوالې راډيو د خبر له مخې، په ديموکراتيکه کوريا کې د چين سفير ليو شياو مينګ د اپريل په شپږويشتمه نېټه زموږ د راډيو خبريال ته وويل چې د عمومي منشي کيم جونګ ايل په ملاتړ دغه هېواد په خپله پلازمېنه په پيونګ يونګ کې د بېجينګ اولمپيک لوبو سپيڅلي مشال لېږدولو فعاليت ته په ډېره درنه سترګه ګوري.
پيونګ يونګ په بهر کې د بېجينګ اولمپيک لوبو سپيڅلي مشال لېږدولو اتلسم تم ځای دی. سفير ليو شياو مينګ وويل دا لومړی ځل دی چې د اولمپيک لوبو سپيڅلی مشال پيونګ يونګ ته رسېږي.
د ټاکلي پلان له مخې به د اولمپيک لوبو سپيڅلی مشال د اپريل په اته ويشتمه نېټه سهار له سيول څخه پيونګ يونګ ته ورسېږي او د همدې ورځې سهار په لسو بجو به د لېږدولو فعاليت پيل شي. په هغه وخت کې به نژدی اتيا تنه مشال لېږدونکي په ياد شوی فعاليت کې ګډون وکړي او د لېږدولو بهير اوږدوالی به يې شل کيلومتره وي.
