د چين نړيوالې راډيو د خبر له مخې، د بېجينګ اولمپيک سپورټي لوبو سپيڅلي مشال لېږدولو فعاليت د اپريل په ٢٧ نېټه د کوريا جمهوريت په پلازمېنه سيول کې په بريالي توګه ترسره شو.
سيول د مشال لېږدونې اوه لسم تم ځای دی. د کوريا جمهوريت د سپورټ وزير کيم جونګ کيل وويل د لېږدونې فعاليت د همدی ورځ له غرمې وروسته په دوه بجو او اته لس دقيقو له سيول اولمپيک پارک څخه پيل او دغه مشال د لسګونو لېږدوونکيو په لاسونو کې له پنځه ساعته او دوويشت کليومتره لېږدونې وروسته په دغه ښار کې خپل وروستي تم ځای حکومتي ډګر ته ورسېد. لېږدونکی يوون تاي وونګ چې د شپږ کلنۍ په عمر يې د ١٩٨٨ کال اولمپيک لوبو په پرانيستونکو مراسمو کې ګډون کړی و، سپيڅلي اور بل کړ چې بيا وروسته په سيول کې د مشال لېږدونې فعاليت په بريالي توګه پای ته ورسېد.
