د چين نړيوالې راډيو د خبر له مخې، د اپريل دېرشمه نېټه د بېجينګ اولمپيک لوبو ته د سلو ورځو د پاتی کېدو له نېټې سره برابره وه. د همدې ورځې په سهار د هڅونې يوه غونډه د بېجينګ د خلکو په لوی تالار کې تر سره شوه.
د بېجينګ اولمپيک لوبو د تشکيلاتی کمېټې مشر ليو چي په دغه غونډه کې په راتلونکو سلو ورځو کې د تشکيلاتی کمېټې او د بېلا بېلو اړوندو ارګانونو د دندو او وظيفو د ترتيب پر چارو رڼا واچوله. ده دې ته اشاره وکړه چې د اولپميک د ځانګړو او لوړې سويې لرونکو لوبو تر سره کولو لپاره بايد د بېجينګ اولمپيک لوبو او د معيوبينو اولمپيک لوبو د خدمتی کارونو چارې پرمخ يووړل شي، بايد ښاريانو ته د تمدن روزنه ور کړی شي او بايد د اولمپيک له نړيوالې کمېټې او د معيوبينو د اولمپيک لوبو له نړيوالې کمېټې سره همکاري پياوړې شي.
