د چين د نړيوالې راډيو د خبر له مخې، د بېجينګ اولمپيک لوبو سپيڅلي مشال د لېږدونې فعاليت د می په ٣ نېټه د چين د مکاو په ځانګړې اداري سيمه کې په بريالۍ توګه تر سره شو.
مکاو د چين د اولمپيک لوبو کميټې د اداری سيمې څخه بهر د بېجينګ د اولمپيک لوبو د سپېڅلي مشال د لېږدولو يوويشتم او وروستی تم ځای و . دا مکاو ته د اولمپيک لوبو د سپېڅلي مشال لومړي ځل رسېدل و. سپېڅلي مشال د ٣ ساعتونو په موده کې د ١٢٠ تنو مشال ليږدونکو له خوا ولېږدول شو .
د چين د های نان ولايت سان يا ښار به د هېواد دننه د اولمپيک لوبو سپيڅلي مشال لېږدولو لومړي تم ځای وی . له پلان سره سم ، د سپيڅلي مشال د لېږدونې فعاليت به د می په ٤ نېټه په سان يا ښار کې تر سره شي .
