د چين نړيوالې راډيو د خبر له مخې، د چين د سه چوان د ولايت والي مرستيال ښاغلي لي چېنګ يون د مې په ٢٣ نېټه په بېجينګ کې وويل په سه چوان ولايت کې به د زلزله ځپلو د ژغورنې کارونه په فعاله او سالمه توګه تر سره شي.
نوموړي وويل اړوند ارګانونه به په پرله پسې توګه له خپلې وسې سره سم ژوندي کسان وژغوري او پر همدی مهال به د ټپيانو د ژغورنې لپاره هڅې وکړي چې تر ممکنه حده پوری د قربانيانو شمېر کم شي. بر سېره پردی بايد په ښه ډول ناورين ځپلي کسانو ته خوراکونه ، پاکې اوبه او لندمهالي کورونه برابر شي.
