د چين نړيوالې راډيو د خبر له مخې، د بېجينګ اولمپيک لوبو سپيڅلي مشال لېږدونې دوه ورځني فعاليت د مې په څليرويشتمه نېټه په بريالۍ توګه د چين په ختيځ شانګهای ښار کې پای ته ورسېد.
د څليرويشتمې نېټې د لېږدونې فعاليت په عمده توګه د شانګهای ښار په شاوخوا سيمه کې تر سره شو او د پيل مراسم د شانګهای ښار د اتيا زره تنو په ځايېدونکي سپورتي ډګر کې تر سره شول چې د بېجينګ اولمپيک لوبو د فوټبال پنځلس سيالۍ به په کې تر سره شي.
په شانګهای کې د مشال لېږدونې دوه ورځني فعاليت عمومی اوږدوالی دوه سوه کليومتره و. له دې وروسته به د مشال لېږدونې فعاليت د مې په پنځه ويشتمه نېټه د چين په جيانګ سو ولايت کې پيل شي.
