د سين هوا اژانس د خبر له مخې، د چين د دولت رئيس هو جين تاو چې اوس د ګان سو ولايت د لونګ نان ښار په زلزله ځپلو سيمو کې د زلزلې له اغېزو او زيانونو سره د مقابلې او د وګړيو ژغورنې له کارونو څخه په ليدنې بوخت دی، د جون د لومړۍ نېټې له غرمې وروسته د لونګ نان ښار لومړي ولسي روغتون ته ولاړ او هتله يې د پاکستان د طبي ډلې له غړيو سره وکتل. ده د چين د حکومت او وګړيو په استازيتوب له دوی څخه د زړه له کومې مننه څرګنده کړه.
د سه چوان ولايت د ون چوان ولسوالۍ له سختې زلزلې وروسته د پاکستان اته ويشت کسيزې طبي ډلې لونګ نان ښار ته له رسېدو وروسته په دوهمه ورځ د ژغورنې په خپلو کارونو پيل کړی دی.
