د سين هوا اژانس د خبر له مخې، د ون چوان ولسوالۍ له سختې زلزلې وروسته د سيلانۍ چارو د بيا ابادۍ لارښوونکې ډلې لومړۍ غونډه د جون په څلورمه نېټه په چنګ دو ښار کې تر سره شوه چې په ترڅ کې به يې چين د اړوندو پلانونو د لايحې له مخې له ٢٠٠٨ کال څخه تر ٢٠١٠ کال پورې په راتلونکيو دريو کلونو کې د سيلانۍ چارې بيا ابادې کړي.
د سه چوان ولايت د سيلانۍ ادارې د اړوندو شمېرنو له مخې، د ون چوان ولسوالۍ د سختې زلزلې له امله په سه چوان ولايت کې د سيلانۍ له څه دپاسه څلور زره ځايونو څخه پنځه سوه او اته شپېته ځايونه ويجاړ شوي دي. د مې تر اووه ويشتمې نېټې پورې د سختې زلزلې له امله د سه چوان ولايت سيلانۍ چارو ته دوه شپېته مليارډ او څلور سوه مليون يوانه زيانونه رسېدلي چې د دغه ولايت د تېر کال سيلانۍ چارو عمومي عايداتو نيمه برخه يې نيولې ده.