د چين نړيوالې راډيو د خبر له مخې: له افغانستان سره د مرستې لپاره نړيواله غونډه د جون په ١٢ نېټه د فرانسی په پلازمېنه پاريس کې تر سره شوه. د چين د بهرنيو چارو وزير يانګ جی چه د چين د حکومت په استازيتوب په دغه غونډه کې ګډون وکړ، هغه وويل چين په فعاله توګه د افغانستان د بيا أبادی د کارونو ملاتړ کوي.
يانګ جی چه د غونډې په ترڅ کې وويل نړيواله ټولنه د يو داسې هېواد په توګه د افغانستان هرکلی کوی چې امنيت او پرمختګ رامنځته شي او نشه يی توکي په کې نه وي. چين د افغانستان د بيارغونې سره د مرستې برابرولو لپاره د نړيوالې ټولنې د کوښښونو ملاتړ کوی او په کې ګډون کوي. چين به روان کال يو ځل بيا افغانستان ته د ٥٠ مليون يوانو په ارزښت مرستندويه پانګی ورکړي. يانګ جی چه په همدی ورځ د افغانستان له ولسمشر حامد کرزی سره هم خبرې اترې وکړې .
