د چين نړيوالې راډيو د خبر له مخې، د بېجينګ اولمپيک لوبو سپيڅلي مشال لېږدونې فعاليت د جون د اتلسمې نېټې د سهار په نهو بجو او دېرشو دقيقو د چين د شينجيانګ اويغوري قوم خپلواکې سيمې په کاشغر ښار کې پيل شو.

کاشغر په شينجيانګ کې د اولمپيک لوبو سپيڅلي مشال د لېږدونې دوهم تم ځای دی. په دغه ښار کې د سپيڅلي مشال لېږدونې لارې اوږدوالی شپږ اعشاريه پنځه کيلومتره دی او دوه سوه او اته تنه لېږدونکي به په کې ګډون وکړي.