د چين نړيوالې راډيو د خبر له مخې، د چين د ملي ولسي کانګرس د دايمی کمېټې مشر وو بانګ ګوه د جون په نولسمه نېټه په بېجينګ کې د اسيايی او اروپايی هېوادونو د پارلمانونو تر منځ د همکارۍ د پنځمې دورې غونډې د بېلا بېلو پلاويو له مشرانو سره وکتل.
ښاغلي وو بانګ ګوه وويل چين د اسيا او اروپا تر منځ د همکارۍ ټينګ ملاتړ کوی او په فعاله توګه پکی ګډون کوی. چين غواړي په سوله ايزه توګه د ګډ ژوند پنځو ګونو اصولو پر بنسټ په پر له پسی توګه له اسيايی او اروپايی هېوادونو سره دوستانه اړيکی ټينګې کړي او د اسيا او اروپا تر منځ د همکاری د پرمخبيولو لپاره فعال کوششونه وکړي.
ښاغلي وو بانګ ګوه په دغه غونډه کې د رومانيا، بلغاريا، هند، پاکستان او مغولستان د غړيتوب تر لاسه کولو په اړه مبارکې وويله.
