د سين هوا اژانس د خبر له مخې، د چين د دولتي شورا غړي او د عام امنيت وزير منګ جيان جو د جون د پنځه ويشتمې نېټې له غرمې وروسته په بېجينګ کې د اولمپيک لوبو د امنيت ضمانت د کارونو څارنه وکړه. ده دغه خبره تکرار کړه چې په ټول هېواد کې د عام امنيت ارګانونه او د اولمپيک لوبو اړوندې څانګې بايد د لا اغېزمنو تدبيرونو په نيولو سره په ډاډمنه توګه د بېجينګ اولمپيک لوبو تر سره کېدل تضمين کړي.
نوموړي د بېجينګ اولمپيک لوبو په بېلا بېلو ډګرونو او ستېديمونو کې د امنيت ضمانت د کارونو څارنه وکړه او څرګنده يې کړه چې اوس په ډګرونو او ستېديمونو کې د امنيت ضمانت لايحو سيستم جوړ شوی او اړوند کارونه اوس په عادي توګه روان دي.
