د سين هوا اژانس د خبر له مخې، د کوريا ټاپووزمۍ د ذروي مسئلې په اړه شپږاړخيزو خبرو اترو د جون په شپږويشتمه نېټه په بېجينګ کې يوه اعلاميه خپره کړه او د چين د پلاوی مشر وو دا وې دغه اعلاميه ولوستله. په اعلاميه کې ويل شوي د بېلا بېلو خواوو په ګډو کوششونو سره د ګډې اعلاميې د پلی کولو په اړه د شپږاړخيزو خبرو اترو دوهم پړاو عملياتو فعال برياليتوب تر لاسه کړی دی.
په اعلاميه کې ويل شوي چې د ګډ سند له مخې چې د تېر اکتوبر په درېيمه نېټه تصويب شوی، ديموکراتيکه کوريا بايد د روانې مياشتې په شپږويشتمه نېټه د شپږاړخيزو خبرو اترو مشر هېواد ته د ذروي تاسيساتو په اړه د معلوماتو لست وړاندی کړی او امريکا بايد په همدې ورځ د ترهګرۍ د ملاتړ کوونکيو هېوادونو لست څخه ديموکراتيکه کوريا ليری کړي او بايد د دښمن هېواد په توګه له ديموکراتيکې کوريا سره سوداګريز قانون له پلی کولو څخه لاس واخلي.
شپږ خواوو موافقه وکړه چې د ديموکراتيکې کوريا غوښتناليک څارنې ته انتظار وکړي او د څارنې ميکانيزم جوړ کړي.