د چين نړيوالې راډيو دخبر له مخې، دېموکراتيکې کوريا د روانې مياشتې په ٢٦ نېټه د کوريا ټاپووزمې د ذروی مسئلې په اړه د شپږاړخيزو خبرو اترو مشر هيواد چين ته د خپلو ذروی تاسيساتو ليست وړاندی کړ. د امريکا ولسمشر جورج بوش په همدې ورځ اعلان وکړ چې د ترهګرۍ ملاتړ کوونکو هيوادونو له ليست څخه يی دغه هيواد ليری کړی او د دښمن هېواد په توګه د دېموکراتيکې کوريا په مقابل کې د سوداګرۍ قانون پلی کول هم پای ته رسوی.
د جاپان لومړی وزير ياسو فوکودا د روانې مياشتې په ٢٦ نېټه وويل چې د جاپان د يرغملو پېښې د حل لپاره له نوی پرمختګ مخکی د امريکا له دغې پريکړې سره مخالفت کوي. خو هغه وويل چې د ده هېواد هم بايد اوس له امريکا سره يو شان ګام پورته کړي.
د دې ترڅنګ د جاپان خبری رسنۍ هم د کوريا ټاپووزمې د ذروی مسئلې بهير ته پاملرنه کوي او دغه ځل د دېموکراتيکې کوريا د يادو شويو عملياتو په اړه شک هم لري.
