د سين هوا اژانس د خبر له مخې، ديموکراتيکی کوريا د جون د اووه ويشتمې نېټې له غرمې وروسته په څلورو بجو په يونګ بيونګ کې د اتومی بټۍ څلی ونړاوه چې د پيونګ يانګ ښار په نوی کيلو مترۍ کې دی.
د چاودنې په يو لوی غړمبهار سره، د شلو مترو په لوړتيا څلی ونړېد. د چين، کوريا جمهوريت، امريکا، جاپان او روسيې خبريالانو دغه حالت وليد. د امريکا د بهرنيو چارو وزارت د ديموکراتيکی کوريا چارو ادارې مشر کيم سونګ هم دغه پېښه وليدله.
د اتومی بټۍ څلی د يونګ بيونګ په ذروي تاسيساتو کې د پنځوس مليارډ واټنه ذروي رياکتور يوه مهمه برخه ده. په تېر نومبر کې ديموکراتيکې کوريا په ډاګه کړه چې د ګډې اعلاميې د دوهم پړاو عملياتو د پلی کولو په اړه د شپږاړخيزو خبرو اترو له سند سره سم په يونګ بينوګ کې د ذروي تاسيساتو له بی کاره کولو وروسته، دغه رياکتور په کار نه دی.
