د سين هوا اژانس د خبر له مخې، د چين د هانکانګ د ځانګړې ادارې مشر ځن ين چوان او د مکاو د ځانګړې ادارې مشر هه هو هوا د جون په اته ويشتمه نېټه وويل د هانکانګ او مکاو ځانګړې ادارې به د سه چوان ولايت په زلزله ځپلو سيمو کې د بيا أبادۍ په کارونو کې ګډون وکړي.
نوموړو په همدی ورځ د خپلو پلاويو په مشرۍ د سه چوان ولايت له مشرانو سره خبرې اترې وکړې او د ناورين ځپلو سيمو د بيا أبادۍ په اړه يې بحث وکړ. دوی د پېنګ جو او دو جيانګ يان په شمول له يو شمېر ناورين ځپلو سيمو څخه ليدنه هم وکړه.