د چين د نړيوالې راډيو د خبر له مخې، د روانې مياشتې په ١٣نېټه د لبنان په شمالي ښار طرابلس کې يوې چاودنې د ١٠ پوځيانو په شمول لږ تر لږه ١٧ تنه وژلي او څه باندې ٤٠ نور ټپيان شوي دي.
د لبنان ولسمشرميسل سيلمان په همدې ورځ د يوې اعلاميې په خپرولو سره ويل چی د لبنان حکومت د ترهګرو بريدونو ته سر نه ټيټوي او دغه چاودنه د حکومت پر عادې کارونو باندې اغېز نه لري. د لبنان صدراعظم فواد سينيوره او د پارلمان مشر نابيح باري د لبنان له وګړيو څخه غوښتنه وکړه چی د ترهګری د مخنيوی لپاره بايد ګډه هڅه وکړي.
برسيره پردې ،د م م د امنيت شورا، د عربی هېوادونو د اتحادې له مشر عمر موسی، د سوريې له ولسمشر بشرالاسه او هم اورپايي ټولنې پر دغه چاودنې سخت انتقاد وکړ.
